الحكم على مبارك

فيديو مبارك يرفض دخول مستشفى سجن طرة ويبكى

misrstars.com
فيديو مبارك يرفض دخول مستشفى سجن طرة ويبكى - أخبار مصر:

https://www.facebook.com/photo.php?fbid=366670050058128&set=a.190571081001360.47927.190561104335691&type=1&theater



قالت
كاثرين آشتون، المفوضة العليا للاتحاد الأوروبي، أن مصر لديها ثروات تكفي
لمساعدة ربع الدول الأوروبية، وأن ما تمت سرقته وإهداره من أموال وأرصدة
مصر الطبيعية خلال الـ15 عاما الأخيرة من نظام مبارك يبلغ 5 تريليون دولار
أمريكي وهو مبلغ يكفي لتحويل مصر إلى دولة أوروبية متقدمة ويكفي لظهور 90 مليون مليونير كبير في مصر!
وأضافت آشتون :
«أنا حزينة على مصر وشعبكم فلقد تعرضتم فى مصر لما هو يفوق
الخيال فى الاحتيال والسرقات وتجريف الثروات المادية والطبيعية
والافتراضية لو صح التعبير حتى أن «الفايكنج» وهم أشرس الغزاة الذين شهدهم
التاريخ البشرى فى أوروبا ما كانوا سيتمكنون من سرقة مواردكم مثلما فعل بكم
نظام مبارك».!!

رأي ورؤى




ليس لها أى حل آخر إلا انحدار مصر ودخولها نفق الجحيم المظلم



مجلس رئاسى يعلن اليوم ليصبح لمصر غد.



لقد أنهى المستشار أحمد رفعت بحكمه فى قضية مبارك شرعية الانتخابات
الرئاسية صبيحة ذلك النهار ولم يعد هناك متر واحد يمكن أن تنفد منه
انتخابات الرئاسة القادمة بدون ألغام تلاحقها وشبهات تحيط بها!



إن حكم مؤبد فرعون وهامان وبراءة جنوده يختم مسار المرحلة الانتقالية
الفاشلة والسوداء التى قادها جنرالات المجلس العسكرى بين تواطؤ مع نظام
قديم منتمين له أو تورط مع إخوان مسلمين وتيار إسلامى يتحالفون معه وبخطوات
يشوبها العار والعوار مضت الانتخابات الرئاسية حتى أوقفتنا عند اللحظة
الخيار فيها بين السم والرصاص .



اليوم صدر الحكم الذى بث لدى الشعب شكا وغضبا وبصم على كل قرارات واحكام
القضاء فى الفترة الاخيرة ببصمات المسار الخاطئ الذى لم يجعل شعبا يطمئن
ولا ثوارا يستجيبون ولا قوى احتجاجية تهدأ ولا أوضاعا تستقر ولا دولة
تتماسك ولا انتخابات تحظى بشرعيتها ولا وطنا يتعافى .



ان الاستمرار فى مسار المجلس العسكرى بإعلانه الدستورى المشئوم رغم
احتجاجات عشرات الالاف فى كل مصر على هذه الاحكام الاخيرة ورغم ما تقودنا
اليه الانتخابات المزمعة من استقطاب قد يطيح بآمان المجتمع وأمنه ، يعنى
شيئا واحدا ان هذا المجلس العسكرى إما ينوى تسليم السلطة لتيار يختطف مدنية
مصر ويلقيها فى القرون الوسطى أو يسلمها لنظام قديم يتهيأ ويتأهب لاستعادة
روح حكم رفعت فيطبقه على جرائم فى حق وطن ارتكبها سابقوه وعلى خطايا فى حق
شعب فعلها أسلافه !



إن الحل الوحيد الآن أمام قوى الثورة لتطلب به وأمام التيارات السياسية
لتتحلق حوله هو مجلس رئاسى يحكم لمدة عام يدير البلد وثورته من الخطوة
الأولى حتى آخر الطريق حيث دستور يعبر عن الشعب لا أن يعبر فوقه وحيث
انتخابات حرة نزيهة حقا وحقيقة لا يشوبها بطلان ولا بهتان وحيث حساب عادل
ثورى لا ثأرى لكل جريمة أراقت للشهداء نزفا وأذاقت مجتمعنا فسادا.

مجلس رئاسيى يقوده الرجل الذى أثبت أنه ثاقب الرؤية ومخلص الرسالة و
مفجر شرارة الثورة ، والمترفع عن المناصب الذى لم تلعق به شبهة ولا تهمة
ولا يقوده انحياز ولا تحيز..

الدكتور محمد البرادعى ..


ليس غيره ، يقود مجلسا رئاسيا من غير المرشحين لموقع الرئيس فى
الانتخابات الرئاسية ونسلم له مفتاح إدارة البلاد فى مرحلتها الانتقالية
التى تتكفل بإعادة البلد إلى دائرة الانطلاق والصعود لا أن تظل تحت إدارة
عسكرية تحفر لمستقبلنا قبوا أو قبرا !

أحمد عفيفي يكتب: لميس «فاشخة بقها» وعماد «سعيييد».. ومحمود سعد طق.. مات!!



الأحد 27 مايو 2012 - 11:38 ص

أحمد عفيفي



.. أيوه كده .. بانوا بانوا بانوا على أصلكوا
بانوا .. نامي يا ست لميس الحديدي وفي بطنك عشر بطيخات صيفي.. طرّي على
قلبك في الحر المنيل بستين نيلة ده .. واشربي ميه م التلاجة ، وخدي جوزك
عمورة الأمورة بالحضن وقولي له : كانت غُمة وانزاحت ربنا لا يرجعها .. كنت
ميتة في جلدي أحسن شفيق يطير ويخرج من السباق .. مع إني انا وانت عارفين
انه مادام دخل يبقى مش حيخرج .. بس برضه مكنتش مطمنة اوى .. لكن ربك
كبيييير .. حاسس بينا أنا وانت .. لو جه واحد غير شفيق أو عمرو موسى حنروح
في الكازوزة .. الناس عارفه كل حاجة .. عارفين إحنا كنا مع مين وحبايب مين ،
وواكلين الشهد من مين .. وبيني وبينك يا عمورة يا حبيبي ماكنتش خايفة إلا
لو حمدين صباحي مسك الحكم .. يمكن كان يأممنا وياخد اللي ورانا واللي
قدامنا .. ومش بعيد كان فتح الدفاتر القديمة وعمل حركة تطهير للإعلام ،
وناخد انا وانت صابونة ماحصلتش .. ما انت عارف وانا عارفه .. احنا كنا مع
مين .. وبعد الثورة عملنا نفسنا مع مين .. ماهو لازم نعمل كده .. هو العز
اللي احنا فيه ده جه منين .. ماهو جه من " ... " واللعب على الورقة الرابحة
.. ودلوقتي بقى .. الورقة الكسبانة - وهات مصحف احلف لك عليه - احمد شفيق
.. اوعى تخاف .. مرسي مش جي ولا حيشوفها بعينه .. يا عم انا عارفه كل حاجة
.. طب تصدق وتأمن بالله : لو اصحابنا كانوا عايزين شفيق ينجح من أول مرة
كانوا عملوها .. بس كانت حتبقى مكشوفة اوي .. يعني اللي صوّت له 5 مليون
وشوية كان ممكن يبقوا ستة وشوية برضه .. لعبة بنت كلب حلوة .. واحنا
الكسبانين.



لميس الحديدي أم الفلول كانت امبارح من فرحتها " فاشخة بقها " 180 درجة
وضحكتها مالية شاشة السي بي سي .. مش قادرة تداري سعادتها لدرجة ان واحد
متصل قال لها : طيب خبي الفرحة دي شوية .. ده انت إعلامية وعلى مسافة واحدة
زي المجلس العسكري من جميع المرشحين .. وبعده دخل واحد تاني وقال لها :
ميهمكيش منه يالموسة .. افرحي افرحي وارقصي عشرة بلدي لو حبيتي وغني كمان
مصراليوم في عيد.



غني يا لميس زي " غنّي يا وحيد " : جميل جمال مالوش مثال .. أو غنّي ..
اهلا اهلا بالعيد .. مرحب مرحب بالعيد .. هيه هيه هييييه .. العيد فرحة
وأجمل فرحة وشفيق فرحة كل عيد .. غنوا معايا غنوا .. قولوا ورايا قولوا ..
كتر يارب في أعيادنا واطرح فيها البركة .. جانا شفيق اهو جانا شفيق.. هيه
هيه هييييه.



نيجي بقى على أخو جوزك السيد المبجل عماد الدين أديب وفي نفس القناة ..
راحة نفسية عجيبة ووشه منوّر وفرحته زي عيل بيموت في الشيكولاته .. رحت
جايب له 10 كيلو ، وكل وانبسط ياعم عماد .. ورغم ان عماد في مستوى ذكائه
يساوي خمسين من عينة لميس الحديدي ، الا انه مش قادر يداري اللي جوّاه
وسعادته البالغة بوصول شفيق للنهائي .. فيقولك إيه بقى : الراجل معندوش ولد
.. يعني من دلوقتي مفيش خوف من التوريث .. كمان مراته ربنا افتكرها ..
فمفيش خوف من استنساخ لسوزان مبارك سيدة مصر الأولى .. ومش ممكن نفضل
فاكرين له حكاية موقعة الجمل والبونبوني .. ده يا دوبك مسك الحكومة يجي كام
يوم .. وبعدين فيه ناس كتير عايزينه .. مش انا اللي بقول .. الصناديق هى
اللي بتقول .. ويرد عليه عمرو حمزاوي جوز الست نسمة ان المفروض شفيق يعمل
كذا وكذا عشان يكسب تعاطف الشارع وتأييده .. يعني الافندي عمرو حمزاوي
معندوش مشكلة كرجل ثوري ومتجوز من ثورية ، ان شفيق بعد الثورة يبقى رئيس ..
مش معترض حتى مع نفسه .. قال يعني المشكلة هو حيعمل ايه لما يمسك الحكم ..
مش ازاى أساسا سمحنا له بالوصول إلى الحكم .. " أدي واحد من نواب الشعب
رفع راية الاستسلام ومش زعلان على ضياع الثورة وفشلها" .

.. في المقابل بقى وعلى النقيض تماما نلاقي واد جدع زي محمود سعد في "
النهار " .. طق م الغيظ وكان حيموت ، وساب البرنامج وروّح بيتهم .. صحيح
اللي عمله ده غلط ومش مهني .. بس إحساس الإحباط اللي عنده مقدرش يداريه ،
لأنه فاهم اللعبة كويس اوي .. وبالليل بقى استضاف د – منال عمر " ربنا
يبارك فيها " .. محروقة حرقة م اللي حصل .. حرقة واحدة مصرية أصيلة .. كانت
بتحلم بمصر جديدة ، فشافت مصر القديمة راجعة تاني ، وعايزين يضحكوا علينا
ويفهمونا إن الخير جي على إيد شفيق .. الدكتورة الجميلة الأصيلة بتتكلم
كلام كبير أوي : هناك فرق بين الخوف والهلع .. ودي اللعبة اللي اتلعبت على
الناس والمسيحيين بشكل خاص .. احنا كلنا خايفين م الإخوان .. اوكيه .. بس
الخوف ده مش مكفّي المجلس العسكري .. فلازم الخوف يبقى هلع ، والهلع درجة
من درجات الخوف القصوى .. فشطارتنا بقى إن احنا كشعب ثوري نجيب البعبع اللي
بيخوفونا بيه ونحطه في بانبونيره ونلف بفيونكة جميلة ونرميه للمجلس ،
ونخلي الهلع الحقيقي يركبهم هما مش احنا .. خلاص - والكلام للجميلة جدا
منال عمر- .. الشعب الثوري مبقاش يخاف من حد .. والله لو جبت له هتلر ، مش
حيقدر ينتزع إرادته تاني .. فبلاش اللعبة الغبية دي .. وخد بالك يا
محمود حتكتر اوي اليومين الجايين دول حكاية توصيل الإحساس للناس بالهلع من
حكم الإخوان ، فنروح لشفيق .. بس عايزة اقولك وخدها مني وافتكرها : وحياة
كل نقطة دم سالت من شهيد .. لا شفيق ولا غيره حيقدر يرجع عقارب الساعة ورا
تاني .. خلصت يا محمود .. وبكره حنشوف.



وكمان مثال رائع قالته منال عمر: لو جبنا 3 مجموعات ووعدناهم لو نفذوا
اللي احنا عايزينه حنديهم مكافأة .. المجموعة الأولى يعملوا مثلا يصمموا
كراسي ، والتانية تعمل " تورتاية " حلوة ، والتالتة - وخد بالك م التالتة -
مهمتها تضحك وتتريق على المجموعتين الأولى والتانية .. وفي الأخر مش حندي
أى مجموعة زي ماوعدناها مكافأة .. عارف مين اللي حيعترض ويتحرق من جوّاه
انه انضحك عليه : المجموعة التالتة اللي هى معملتش حاجة ، غير انها ضحكت
واتريقت على المجموعتين .. إنما المجموعة الأولى حتمشي مبسوطة ، لأنها عملت
حاجة حلوة ، والتانية حتاخد التورتة وتاكلها ، انما التالتة بقى .. فين
تمن استغلالي لصالحك ، واحتقاري لنفسي إني كنت ورقة في إيدك بتلعب بيها
لصالح فلان .. عارف هما عايزين تمن إيه يا محمود ؟ .. عايزين تمن حقارتهم
لمّا يقفوا قصاد المرايا .. وفي لحظة صدق بالغة الخطورة .. كل واحد منهم "
يتف " على اللي قدامه في المراية .. لأنه ببساطة باع نفسه للشيطان ، وأول
الشيطان ما يتمكّن حيدوس عليه بالجزمة .. وفي الأخر حيلاقوا نفسهم ما اخدوش
المكافأة .. لأ وإيه .. انضربوا بالجزمة القديمة!!